టామ్ కామ్ ఆధ్వర్యంలో జర్మన్ భాషా శిక్షణపై ఓరియంటేషన్
వినియోగించుకోవాలన్న జిల్లా ఉపాధి కల్పనాధికారి మాధవి
✍️ దివిటీ మీడియా – ఖమ్మం
ఖమ్మంజిల్లాలోని నిరుద్యోగ యువతకు విదేశాల్లో ఉపాధి అవకాశాలు కల్పించే లక్ష్యంతో తెలంగాణ ఓవర్సీస్ మ్యాన్‌ పవర్ కంపెనీ (టామ్ కామ్) ద్వారా ఈ నెల 23న జర్మన్ భాషపై శిక్షణకు ఉచిత ఓరియంటేషన్ కార్యక్రమం నిర్వహించనున్నట్లు జిల్లా ఉపాధి కల్పన అధికారిణి ఎన్.మాధవి బుధవారం ఒక ప్రకటనలో పేర్కొన్నారు. జర్మనీ దేశంలో ఉపాధి అవకాశాలకు అవసరమైన భాష పరిజ్ఞానంపై శిక్షణపొందేందుకు ఆసక్తిగల యువతీయువకులు ఈ ఓరియంటేషన్ కార్యక్రమానికి హాజరై, శిక్షణ వివరాలు, అర్హతలు, దరఖాస్తు విధానం, ఉపాధి అవకాశాల గురించి తెలుసుకోవాలని ఆమె కోరారు. ఆసక్తిగల అభ్యర్థులు ఈ నెల 23న (శుక్రవారం) ఉదయం 10 గంటల నుంచి మధ్యాహ్నం 2 గంటల వరకు ఖమ్మంలో వైరా రోడ్డులో కవిరాజ్ నగర్ జలాంజనేయస్వామిస్వామి దేవాలయం పక్కనున్న టీటీడీసీలో హాజరుకావాలని కోరారు. మరిన్ని వివరాలకోసం ఫోన్ నెం.6305157085 లో సంప్రదించాలని పేర్కొన్నారు.
Save or share this story as a newspaper-style Epaper Clip:
